Það er eitthvað svo skrítið að blogga þegar maður er heima á Íslandi. Mér finnst ég eiginlega ekki hafa frá neinu að segja...hmm ég er sem sagt búin í skólanum í USA eftir fjögur fjörug ár þar. Nú er ég komin heim, orðin fullorðin og farin að vinna eins og annað fullorðið fólk.... Scary s***! En samt er þetta bara alveg ágætt. Er að vinna hjá fyrirtæki sem heitir CCP (www.ccpgames.com) en þetta er einmitt fyrirtækið sem framleiðir tölvuleikinn EVE Online (www.eve-online.com). Bjóst einhvern veginn ekki við því að enda í þessum bransa en svona er lífið skemmtilegt It's like a box of chocholate, you never know what you're going to get

Back to work

Lilja

Það vita það nú kannski flestir núna að ég er heima á Íslandi. Ég kom svona surprise, en það voru nú nokkrir sem vissu. En Hilmar minn vissi það ekki og það var mjög gaman að sjá svipinn á honum þegar hann sá mig heima hjá foreldrum hans á laugardaginn fyrir rúmri viku Hann var nú kannski farið að gruna eitthvað en ég tel mig nokkuð góða að hafa getað þagað yfir þessu í einhverjar sex vikur!! Ég er búin að hafa það alveg rosalega gott, búin að borða vel og sofa vel....er nú einu sinni í spring break. Það hefur nú verið venjan að fara eitthvað í sólina í spring break en mér fannst tilvalið að koma heim núna þar sem ég veit ekki alveg hvern ég hefði dregið með mér í ferðalag þarna úti, allir farnir!! Þannig að í staðinn kom ég bara og hitti alla hér

Svo er ég búin að ná að keppa tvo leiki með KR í deildarbikarnum. Það hefur gengið svona upp og ofan, óþarfi að ræða það of mikið hérna... Verð samt að segja frá því að þegar við fórum að keppa við Keflavík um síðustu helgi þá var mjög gaman að sjá svipinn á Þóru þegar hún sá mig Hún gapti bara af undrun og svo spurði hún hvað ég væri eiginlega að gera hérna  Ég var nefnilega búin að spurja hana áður hvort að ég ætti ekki bara að mæta í leikinn og hún samþykkti það og ég sagði þá bara að það væri ákveðið. Þóra hélt auðvitað að þetta væri allt sagt í mesta gríni, og hún var alveg grunlaus um það að fyrir framan mig lá flugmiðinn sem var löngu bókaður

Ég ætlaði svo að fara til baka í dag en ég ákvað að breyta miðanum mínum um helgina og lengja ferðina um eina viku. Fer því ekki til baka fyrr en á næsta mánudag Þetta er bara að verða svolítið langt frí, en ekki veitir af þar sem ég á víst að vera að leita mér að vinnu... Jæja ætla að fara að gera eitthvað í þessum vinnumálum þá.

Jájá það bara snjóaði allt í kaf hérna á aðfaranótt sunnudags. Það var nú búið að spá þessu frá kl. 1 á laugardegi til kl. 1 á sunnudegi...það er nú meira að þeir þora að vera nákvæmir, en höfðu greinilega ekki efni á því þar sem það byrjaði nú ekki að snjóa almennilega fyrr en eftir miðnætti á laugardag. En það kom mikið yfir nóttina og allt varð að sjálfsögðu stopp hérna! Öllu lokað og frestað og allt það. Af myndum af dæma var þetta nú verra í NYC þar sem ekki hefur snjóað meira í Central Park t.d. síðan mælingar hófust. Þetta hefur því verið nefnt THE Blizzard of 2006...meira hvað menn eru dramatískir hérna

En ég eyddi ekki tímanum mínum í að sitja inni og drekka heitt kakó á meðan ég horfði á snjónum kyngja niður í gær. Ónei, ég og Hilmar vorum einmitt að leita okkur að flugi á netinu til San Francisco Og það er komið á hreint núna að við förum til San Francisco þann 30. apríl og fljúgum svo heim til NYC frá Las Vegas þann 9. maí Ætlum nefnilega að leigja okkur bíl og keyra frá San Francisco til Los Angeles og svo þaðan til Las Vegas...ohh ég er orðin svo spennt að ég er að deyja Þetta verður geðveikt, nú eigum við bara eftir að panta bílinn og hótelið, en flugið er a.m.k. komið.

Annars er það að frétta að kraftaverk hefur gerst og ég hef setið í nokkra klukkutíma núna við að læra...já fólk þið lásuð rétt...ég hef verið að læra Og þetta er góð tilfinning...hef verið að undirbúa hópverkefni sem á að flytja á miðvikudaginn. Svo hef ég eytt þó nokkrum tíma í að reyna að finna hlutabréf sem ég get keypt fyrir platpeninginn sem hópnum mínum hefur verið úthlutað í einum af tímunum mínum. Og nú kemur það í ljós á næstu tveimur mánuðum "if we can beat the market"!! En það væri ekkert mál að eyða öllum sínum tíma í þetta, það er alltof mikið af upplýsingum til þarna úti...en þrátt fyrir allar þessar upplýsingar er aldrei hægt að segja nákvæmlega til hvort hlutabréfin eigi til með að fara upp eða niður Jæja ætla að hætta að hugsa um þetta í smá tíma og fá mér smá svefn fyrir átök morgundagsins á hlutabréfamarkaðnum...já það er erfitt að vera hlutabréfabraskari

Ójá, gleðilegan Valentínusardag öll sömul Verið nú góð við hvort annað